Inuussutissarsiutit aaqqissuussaanerat aammalu akissarsialiussat katinneri
2014-imi suliffeqarfiit 4.017-iusimapput, taakkullu katillutik 5.604 mio. kr.-inik akissarsialiorsimallutik. 2013-ip 2014-illu akornanni akissarsialiussat katinnerisa appariarsimanerannut allannguinermik 2014-imit aalisartut piniartullu tunisinerini akissarsialiussat ilanngaatitaqanngitsut naatsorsorneqartarunnaarnerannik peqquteqartumik. Tamanna Aalisarnermi Atortussiornermilu 2014-imi akissarsialiussat katinnerisa annertuallaartinneqarnerannik kinguneqarpoq.
Ukiut ingerlanerini ineriartorneq pillugu, imaluunniit inuussutissarsiutit aaqqissuussaaneranni immikkoortut allat takuniarlugit Kisitsisaataasivik http://bank.stat.gl/esd1a innersuunneqarpoq.
Titartagaq 1. 2010-mit 2014-imut suliffeqarfiit amerlassusaat aammalu akissarsialiussat
Najoqqutaq:http://bank.stat.gl/esd1a
Ingerlatsineq annerpaaq tassaavoq kisimiilluni ingerlatsiveqarneq, taakkulu 2014-imi nalunaarsorsimasut 3.017-iusimapput. Tamanna titartagaq 2.-mi takuneqarsinnaavoq.
Titartagaq 2. 2010-mi 2014-imi suliffeqarfiit amerlassusaat, ingerlatsinerup suunera malillugu
Najoqqutaq: http://bank.stat.gl/esd2a
Titartagaq 3.-mi takuneqarsinnaapput aningaasaqarnikkut annertussutsini piginneqatigiilluni suliffeqarfiit akissarsialiussat agguaqatigiissinnerini annerpaanik akissarsialiussanik tunisisimasut. Tassaniipputtaaq aamma suliffeqarfiit annerpaat.
Titartagaq 3. 2010-mi aammalu 2014-imi agguaqatigiissillugu akissarsialiussat procentinngorlugit ,ingerlatsinerup suunera malillugu
Najoqqutaq: http://bank.stat.gl/esd2a
Titartagaq 4.-imi takutinneqarpoq akissarsialiussat agguaqatigiissinneri kommuninut agguaallugit. Takuneqarsinnaavoq Qeqqata Kommuniani agguaqatigiissillugu akissarsialiussat 2010-mut naleqqiullugit allanngorsimanngitsut, sinnerinilu appariartoqarsimavoq.
Titartagaq 4. 2010-mi aammalu 2014-imi agguaqatigiissillugu akissarsialiussat, kommuninut agguaallugit
Najoqqutaq: http://bank.stat.gl/esd3a
Titartagaq 5.-imi takuneqarsinnaavoq suliffeqarfiit 923-t akissarsialiornerit annertussusaannik 100.000 – 250.000-inik akissarsianik tunisisimasut. 619-it 250.000-500.000-inik akissarsianik tunisisimasut aammalu 599-it 10.000-50.000-inik tunisisimasut. Aalisakkanut pisanullu tunisanut kisitsisini paasissutissani aalajangersimasumik killiliussaqanngilaq, taamaattumillu suliffeqarfinni annerpaat pingajuattut 10-50.000-inik akissarsialiussani ilaapput, tunisinerit nalunaarsorneqarsimasut tamakkerlugit ilaatinneqarmata.
Titartagaq 5. 2010-mit 2014-imut suliffeqarfiit amerlassusaat, akissarsialiornerit annertussusaat malillugit
Najoqqutaq: http://bank.stat.gl/esd5a
Titartagaq 6.-imi takuneqarsinnaasutut Kalaallit Nunaanni inuussutissarsiornerup aaqqissuussaanerani aalisarneq suliffeqarfiit amerlassusaanni ingerlatsisuuvoq. 2014-imi agguaqatigiissillugu aalisarnermi akissarsialiussat katinneri 41.000 koruuniusimapput aammalu akissarsiat annertussusaa qeqqaniittoq 10.000 koruuniusimalluni. Tassani aalisarnermi amerlasuut annikitsunik annertussusilinnik tunisaqartanerat takutinneqarpoq.
Titartagaq 6. 2010-mit 2014-imut suliffeqarfiit amerlassusaat, suliaqarfiit pingaarnerit malillugit
Najoqqutaq: http://bank.stat.gl/esd6a